medium

large

thumbnail

1536x1536

2048x2048

small

custom-size

Leikskólabörn skoðuðu sjúkrabílinn

Héldu forvarnadag í Fjölbrautaskóla Vesturlands

Askja Vesturlandi opnar á laugardaginn

Nagladekkin undan?

Skorradalshreppur hástökkvari í íbúafjölgun

Mældist á 140 km hraða þar sem hámarkshraði er 90

core/freeform

Víkingur AK var síðdegis í gær á siglingu til Vopnafjarðar með fullfermi af kolmunna. Aflinn fékkst að mestu vestan við Færeyjar en þar er nú mikill fjöldi skipa að veiðum. Á vef HB Granda, sem gerir skipið út, er haft eftir Alberti Sveinssyni skipstjóra að ekki hafi beint verið kraftur í veiðunum en þetta hafi gengið nokkuð jafnt. „Við erum yfirleitt að fá um 300 til 400 tonn eftir 18 tíma hol eða svipaðan afla og aðrir á veiðislóðinni,“ sagði Albert. Hann segir veiðiferðina hafa staðið í rúma viku en langar siglingar eru til og frá miðunum. Að sögn skipstjórans byrjaðu þeir veiðarnar austan við Færeyjar en færði sig síðan yfir eftir að fréttir bárust af aflabrögðum þar.

,,Kolmunninn virðist eitthvað vera að síga norður eftir en við erum reyndar að fá aflann mikið til á sömu blettunum. Fiskurinn þéttir sig í straumskilum, væntanlega vegna ætis, og það er stundum þröngt á þingi á tiltölulega litlum svæðum vegna hins mikla fjölda skipa sem eru á þessum veiðum,“ sagði Albert. Farið er að ganga á kolmunnakvóta skipa HB Granda en Albert reiknar með því að fara í eina veiðiferð fyrir sjómannadag. Venus NS er hins vegar á leiðinni í eftirlit í slipp. Eftirstöðvar kolmunnakvótans verða síðan nýttar vegna hugsanlegs meðafla á makríl- og síldveiðum í sumar og haust eða með beinum kolmunnaveiðum í lok ársins.

Með fullfermi af kolmunna á leið til Vopnafjarðar