medium

thumbnail

small

custom-size

Aukin hætta á fuglainflúensu með komu farfuglanna

large

1536x1536

2048x2048

Glæsilegir tónleikar í Borgarneskirkju

Akranesmótið í pílu um helgina

Vígreif í hefðbundnu karlastarfi

Lóa Arianna sigraði í Stóru upplestrarkeppninni

Héraðsþing HSH var haldið á Lýsuhóli

core/freeform

Ástandið á síldarmiðunum vestan Íslandsstranda er heldur dauft um þessar mundir. Reikna má með því að þeir sem eiga óveiddan kolmunnakvóta snúi sér heldur að kolmunnaveiðum í færeysku lögsögunni og hvíli sig á síldinni á meðan lítið finnst af henni í veiðanlegu magni. Þetta kemur fram í frétt á vef HB Granda í dag. ,,Það er búið að vera tregt hjá okkur síðan við komum á miðin í fyrradag,“ segir Hjalti Einarsson, skipstjóri á Víkingi AK-100, á vef HB Granda en skipverjar voru þá staddir um 100 sjómílur vestur af Reykjanesi.

Er þetta fyrsti síldveiðitúr Víkings eftir að sjómannaverkfallinu var frestað, en skipið var í slipp á Akureyri verkfallsdagana og fram eftir síðustu viku. Um var að ræða ástandsskoðun, en auk þess var skipið botnhreinsað og málað. Að sögn skipstjórans virðist hins vegar lítið vera af síld vestan landsins og því líklegt að haldið verði á kolmunaveiðar áður en langt um líður. ,,Menn voru að kroppa eitthvað úr torfum sem þeir rákust á í gær en í dag hefur síldin dreift sér. Það sést eitthvað ryk á mælum eins og um átu sé að ræða og stundum kemur upp síld ef kastað er á þessar daufu lóðningar. Það er ómögulegt að segja til um hvaðan þessi síld er komin eða hvert hún er að fara. Til þess er síldin of dreifð eða magnið of lítið. Við erum komnir með um 180 tonna afla en hugmyndin var sú að ná í vænan skammt fyrir vinnsluna á Vopnafirði og fara svo á kolmunnaveiðar. Venus NS fór á kolmunna eftir að hafa landað síld á Vopnafirði og mér skilst að það fáist ágætur afli nú í færeysku lögsögunni,“ segir Hjalti.

Lítið af síld vestan við landið