medium

large

thumbnail

1536x1536

2048x2048

small

custom-size

Grásleppusjómenn fagna lengingu veiðitímabilsins – myndasyrpa

Hlynur Blær gefur bílum nýjan blæ

Brúin komin á sinn stað yfir Berjadalsá

ÞB Borg reisir glæsihýsi í Stykkishólmi

Brást illa við afskiptum lögreglu

Fjölmenningarskóli Vesturlands tekinn til starfa

core/freeform

Skallagrímskonur máttu sætta sig við tap gegn Keflvíkingum í þriðju umferð Domino‘s deildar kvenna í körfuknattleik. Leikið var suður með sjó í gærkvöldi. Heimaliðið hafði undirtökin meira og minna allan leikinn og vann að lokum tíu stiga sigur, 75-65.

Keflavík byrjaði mun betur og komst í 15-4 eftir aðeins fjögurra mínútna leik. Skallagrímskonur komust smám saman inn í leikinn og voru sex stigum á eftir að loknum upphafsfjórðungnum, 24-18. Þær léku betur í öðrum leikhluta, færðust nær gestunum og náðu að jafna metin í 30-30 rétt fyrir hléið. Heimakonur áttu þó lokaorðið í öðrum leikhluta og leiddu með fimm stigum í hálfleik, 35-30.

Keflavík hafði undirtökin í þriðja leikhluta og náði að halda Skallagrímsliðinu frá sér. Staðan fyrir lokaleikhlutann var 57-48 og þar var sömu sögu að segja. Keflavík var sterkara liðið, náði mest 16 stiga forskoti þegar fjórði leikhluti var hálfnaður. Skallagrímskonur náðu aðeins að laga stöðuna undir lokin en urðu að endingu að sætta sig við tíu stiga tap, 75-65.

Bryesha Blair var stigahæst í liði Skallagríms með 21 stig. Hún tók fimm fráköst og stal fjórum boltum að auki. Shequila Joseph skoraði 20 stig og tók ellefu fráköst og Maja Michalska var með 15 stig og átta fráköst.

Skallagrímskonur töpuðu suður með sjó