medium

large

thumbnail

1536x1536

2048x2048

small

custom-size

Mokafli eftir hrygningarstopp

Tindur í Ólafsvík rifinn

Skagakonur unnu ótrúlegan sigur í Mjólkurbikarnum

ÞB Borg reisir glæsihýsi í Stykkishólmi

Skrifað undir við skátana í Dalabyggð

Fyrirhugaðir búferlaflutningar kannaðir á Vesturlandi

core/paragraph

Dagana 23. til 25. mars næstkomandi verður Júlíana, hátíð sögu og bóka, haldin í tíunda skipti í Stykkishólmi og er yfirskrift hátíðarinnar að þessu sinni „Nýir Íslendingar: Áhrif þeirra í skrifum og listum.“ Setning hátíðarinnar er á fimmtudaginn í Stykkishólmskirkju og hefst klukkan 20. Þar flytja Hallgerður og rest úr Tónlistarskóla Stykkishólms nokkur lög, ávarp verður flutt um upphaf og tilurð Júlíönu hátíðar og nemandi úr Grunnskólanum í Stykkishólmi les ljóð eftir Júlíönu Jónsdóttur. Síðan verða verðlaun veitt fyrir ljóðasamkeppni og vinningsljóðin lesin og afhent viðurkenning fyrir framlag til menningar- og framfaramála. Kvöldið endar síðan á tónlistaratriði tríósins Betra með rjóma.

Á föstudeginum hefst dagskráin í Amtsbókasafninu klukkan 11 þar sem nemendur 5. til 10. bekkja stíga á stokk undir handleiðslu Gunnars Helgasonar rithöfundar. Eftir hádegi klukkan 14.30 leiðir Anna Melsteð þjóðfræðingur göngu um gamla bæinn og í lokin smakka gestir hinn fullkomna bita. Klukkan þrjú verður lesið úr verkum Ægis Jóhannssonar á dvalarheimilinu þar sem glaðst verður saman við söng og hálftíma síðar verður sýning á myndverkum yngri bekkja Grunnskólans í verslun Skipavíkur. Klukkan fimm verður haldin afmælisfögnuður í Gamla Sýsló þar sem boðið verður upp á léttar veitingar. Dagskránni lýkur svo um kvöldið í kirkjunni þar sem systurnar Elínborg og Ásthildur Sturludætur fjalla um nýju Íslendingana, nunnurnar í Hólminum.

Á laugardaginn verður boðið upp á Júlíönusúpu á Narfeyrarstofu klukkan 11.30 þar sem forsetafrúin og rithöfundurinn Eliza Reid hittir hópana sem hafa lesið bókina hennar Sprakkar. Í Stykkishólmskirkju klukkan 13:30 stýrir Jón Yngvi Jóhannsson bókmenntafræðingur höfundaumræðu með Elizu Reid, Önu Mjallhvíti Drekadóttur skáldi, Jakub Stachowiak skáldi og Victoriu Bakshina málvísindafræðingi. Klukkan hálf þrjú verður kaffi og meðlæti til sölu í Safnaðarheimilinu og klukkan 15.15 lesa höfundar og fjalla um bækur sínar í kirkjunni. Lokaatriði hátíðarinnar er svo klukkan 20.30 í kirkjunni þegar Alexandra Chernyshova sópransöngkona og tónskáld flytur aríur úr óperum eftir hana ásamt kirkjukór og organista Stykkishólmskirkju. Athygli er vakin á því að frítt er á alla viðburði hátíðarinnar.

core/image

<figure class="wp-block-image size-large is-style-default"><img src="https://umsjon.skessuhorn.is/wp-content/uploads/2023/03/Tiu-ara-afmaelishatid-Julionu-Hatid-sogu-og-boka-i-Stykkisholmi_2-1200x1800.jpg" alt="" class="wp-image-62497" /><figcaption>Alexandra Chernyshova sópransöngkona og tónskáld kemur fram á lokatónleikum hátíðarinnar. Ljósm. af FB síðu Júlíönu.</figcaption></figure>

Tíu ára afmælishátíð Júlíönu – Hátíð sögu og bóka framundan í Stykkishólmi