medium

large

thumbnail

1536x1536

small

custom-size

Kálfafjós í byggingu á Litla Kroppi

Þema ljósmyndasamkeppni er gleði

2048x2048

Bæjarsjóður Akraneskaupstaðar gerður upp með 319 milljóna króna hagnaði

Gleðilegt sumar!

Grásleppusjómenn fagna lengingu veiðitímabilsins – myndasyrpa

Hlynur Blær gefur bílum nýjan blæ

core/paragraph

Föstudaginn 24. mars næstkomandi verða 100 ár frá fæðingu Bærings Cecilssonar, ljósmyndara. Af því tilefni verður opið hús í Bæringsstofu í Sögumiðstöðinni í Grundarfirði klukkan 17.30 þar sem minningu og myndum Bærings verða gerð skil.

Bæring Cecilsson (1923-2002) var fæddur að Búðum í Eyrarsveit, við norðanvert Kirkjufell. Hann tók ógrynni ljósmynda af náttúru og mannlífi í Eyrarsveit og víðar. Síðar tók hann einnig kvikmyndir. Ásamt því að vera áhugaljósmyndari, rak Bæring vélsmiðju og starfaði sem fréttaljósmyndari fyrir Sjónvarpið og ýmis dagblöð. Vegna þess mikla menningararfs, sem felst í myndum Bærings, var hann gerður að heiðursborgara Grundarfjarðar árið 1997. Eftir andlát hans færðu skyldmenni Bærings Grundarfjarðarbæ myndasafn hans til varðveislu og vinnslu.

Fram kemur á heimasíðu Grundarfjarðar að fyrir allmörgum árum var hafist handa við að skanna ljósmyndir Bærings, auk þess sem kvikmyndum hans var komið yfir á VHS og síðar stafrænt form í samvinnu við Kvikmyndasafn Íslands.&nbsp; Sumarið 2020 hófst átak á vegum Grundarfjarðarbæjar við að skanna filmur af ljósmyndum Bærings Cecilssonar. Unnið hefur verið að því að koma myndunum á varanlegt, geymslu- og birtingarhæft form. Verður fæðingardagur Bærings nýttur til að kynna afrakstur þeirrar vinnu sem fram hefur farið, þó enn sé mikið verk óunnið.

Á opnu húsi á fæðingardegi Bærings verður kynntur afrakstur af vinnu við skönnun á myndasafni hans, fyrr og nú, og vinnu við að gera myndirnar aðgengilegar almenningi. Valdar ljósmyndir Bærings verða til sýnis og lífshlaupi Bærings verða gerð skil. Að sjálfsögðu verður síðan boðið uppá kaffi og meðlæti.